粤语笑话-我、你、佢

Phoenix Phoenix 2020.8.26 18:39 浏览(907) 评论 (0)

好耐以前,有个蠢仔读书,读极都唔明,激到佢嘅先生扎扎跳。有一日,先生教“我、你、佢”三个字。佢对嗰个蠢仔呢就话喇:“嗱,呢三个字嘅解法好简单架啫”,个先生指住自己就话喇:“我系你嘅先生”,又指住蠢仔话:“你系我嘅学生”,再指住另一个,“佢就系你嘅书友,明白未?”嗰个蠢仔笑口噬噬咁话:“咁简单一讲就明啦!”放学返到屋企,蠢仔嘅老豆就问佢喇番:“喂,今日先生教乜嘢课俾你吖?”蠢仔就话喇:“好简单啫!教三个字——我、你、佢”。然后佢就学正先生咁架款,指住自己就话:“我系你先生”,指住老豆话“你系我嘅学生”,于是指住老母话:“她,就系你嘅书友,明白未?”
  呢次撞正大板啦!佢老豆一听恼到头壳顶飙晒烟,指住嗰个仔就大声咁闹:“混你嘅账!乱噏!我系你老豆,你系我嘅仔,佢,系你嘅老母!记住!以后仲系乱噏野呢,我句打到你三跳四,明白未?”“明……明……明白啦!”
  明鬼明马咩!嗰个蠢仔俾老豆闹到三魂唔见咗七魂,个心谂:“都唔知先生讲得啱,抑或老豆讲得啱?”佢谂来谂去仲系觉得老豆讲得啱听啲。
  第日又上课喇,先生又问嗰个蠢仔喇番:“仲记唔记得:我、你、佢嘅解法吖?”嗰个蠢仔企起身就话喇:“梗系记得啦!”指住自己就话:“我系你嘅老豆,你系我嘅仔”,指住另一个女同学话:“嗰个女同学,佢就系你嘅妈妈”。(众笑:哈哈哈!)

点击量: 0
免责声明:本文资源均为自媒体平台“芒果XO”用户上传并发布,本平台仅提供信息存储服务,仅作为学习交流,其版权归出版社或原作者所有,本网站不对所涉及的版权问题负责。(如本文资源侵犯了您的权益,请发送邮件到phoenix.lam@mangoxo.com,或按此进行投诉,我们会及时作出处理)如果你下载本网站资源,表示您同意只将此资源用于参考、学习使用而非任何其他用途。收取的费用为整理资源的费用,非资源本身费用,请悉知。

本文链接 https://www.mangoxo.com/blog/ED0nG0oz 版权所有,转载请保留地址链接,感谢!

Phoenix 关注
222333666 來一遭,做一事。 等一人,愛一次。
  • 939 动态
  • 1,975 相册
  • 22 粉丝
  • 1,611 获赞